Прэс-клуб абвяшчае конкурс стажыровак для прадстаўнікоў беларускіх незалежных СМІ.
Гэта для вас, калі вы:
- працуеце ў беларускіх незалежных медыя;
- хочаце авалодаць новымі прафесійнымі навыкамі або палепшыць сваю кваліфікацыю, пераймаючы досвед працы замежнай рэдакцыі;
- гатовыя перадаць калегам атрыманыя веды, а таксама прымяняць іх у далейшай працы ў сваёй рэдакцыі
Арганізатары пакрываюць выдаткі на праезд, пражыванне, харчаванне. Працягласць стажу – 1 тыдзень. Прыкладныя тэмы, на якія могуць быць здзейсненыя стажыроўкі:- як арганізаваць працу з інфаграфікай у газеце;
- як арганізаваць працу аддзела навінаў у СМІ;
- канвергентная рэдакцыя;
- праца выдання ў сацыяльных сетках;
- і іншыя.
Для ўдзелу ў стажыроўцы неабходна да 10 чэрвеня запоўніць заяўку [3].
Заяўка мусіць утрымліваць тэматычны план стажыроўкі, а таксама распрацаваны бюджэт паездкі. Прыярытэт будзе ў тых заяўнікаў, у якіх ёсць дамоўленасць з канкрэтнай рэдакцыяй. Калі ў вас такой дамоўленасці няма, мы можам паспрабаваць дамовіцца самі або прапануем іншую рэдакцыю.
Па сканчэнні стажыроўкі ўдзельнік мусіць зрабіць прэзентацыю для сваёй рэдакцыі, а таксама напісаць артыкул на тэму навучання для сайта Прэс-клуба. Падчас стажу вы можаце таксама рабіць матэрыялы для свайго выдання. Партнёр – Інфармацыйны офіс “Беларусь у фокусе” [4].